[便利店系列] 未夠鐘食飯又餓餓地，咪搵d有趣既輕食試下囉！咁岩經過七仔，見到呢個墨汁八爪魚芝士韓式手卷，見到個名咁勁，好以將成個韓國既飲食文化卷哂落去咁，唔係唔試呀！
一打開。。嘩！嚇死人咩！個心離一離呀！(我承認我係誇張左既) 不過都係果句，我唔係相機黎咖嘛，堅係食咖嘛，咪試下囉！一卷入面係切開左八舊(不過唔知點解可以仍然痴得咁實。。。MAGIC!) 咬落去，嘩！硬過我條命呀！(堅係硬過平時七仔既飯團咖）算，我能屈能伸，繼續食！但係。。。說好的八爪魚，芝士呢？去哂太空漫遊呀？？完全食唔出既？唔通我味覺失調？又唔知點解又會有蛋同青瓜既出現既？唔通我又思覺失調？八爪魚芝士細到睇唔到都還合理既，但個青瓜係咪用左放大電筒咖？兩樣加埋佔左半個卷既？
唔理走失左既八爪魚芝士同突如其來既蛋同青瓜加特硬飯粒，其實個味都唔算太差咖！如果你當係青瓜蛋卷咁食，都試得過咖！不過，無韓國特色囉！
但係其實講緊既只係HKD$16.9，要求又唔可以太過分既！
Search